1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

An yi Allah wadai da Jami'an hukumar zabe a Afghanistan

Zulaiha Abubakar
October 21, 2018

Hukumar zabe ta kasar Afghanistan ta sanar da ci gaba da gudanar da zaben 'yan majalisar dokokin kasar tun daga karfe bakwai na safe zuwa karfe hudu na yammacin wannan Lahadin.

https://p.dw.com/p/36toH
Afghanistan Wahl 2018 in Herat
Hoto: DW/S. Tanha

Shugaban hukumar zaben Abdul Baddi Sayyad ya bayyana cewar sama da mutane milyan 3 ne suka kada kuri'unsu a ranar Asabar din da ta gabata kafin 'yan ta'adda su kai hari a wasu mazabun a fadin kasar, lamarin da ya kassara zaben.

 

Don haka ne hukumar ta fara aikin tattara sakamako daga mazabu 253 wadanda yamutsin na jiya bai hada da su ba daga nan sai ya bayyana takaicinsa game da jami'an hukumar da suka yi jinkirin fitowa kan lokaci lamarin da janyo jama'a suka fara korafi.

 

Sama da mutane 28 sun rasa ransu yayin da wasu 102 suke kwance a asibiti cikin mawuyacin hali sakamakon mummunan harin da 'yan ta'adda suka kai wasu mazabun yayin da jama'a ke tsaka da kada kuri'u a jiya Asabar.