1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Kamala Harris za ta goya wa Biden Baya

Binta Aliyu Zurmi
August 12, 2020

Dan takarar jami'iyyar Democrats a zaben shugaban kasar Amirka Joe Biden ya zabi sanata Kamala Harris a matsayin mataimakiyarsa, a zaben shugaban kasa da za a yi, cikin watan Nuwambar wannan shekara.

https://p.dw.com/p/3gpLb
USA Kamala Harris Primaries Debatte mit Biden
Joe Beiden da Kamala Harris yayin muhawarar 'yan takarar shugaban kasa a jam'iyyarsuHoto: picture-alliance/AP Photo/P. Sancya

Kamala Harris dai ta kafa tarihin zama mace bakar fata ta farko da ta taba samun damar tsayawa a matsayin abokiyar takarar shugaban kasa a tarihin Amirka.

Harris mai shekaru 55 da haihuwa kuma yar asalin Indiya da Jamaica da ke wakiltar jihar Carlifonia na zama guda daga cikin mata kusoshin jam'iyyar Democrats.

A wani sakon da ya wallafa a shafinsa na Twitter, Biden ya ce yana cike da alfahari da wannan zabin na Harris a matsayin mataimakiyarsa, inda ya ke bayyana ta a matsayin ma'aikaciyar gwamnati mafi inganci a kasar.

A wannan Laraba za su yi fitar farko a matsayin abokan takara da ke shirin fafata wa da shugaba mai ci Donald Trump.