1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Amirka: Mun kashe shugaban IS a Afghanistan

Mouhamadou Awal Balarabe
July 15, 2017

Rundunar sojojin Amirka ta yi ikirarin kashe sabon shugaban kungiyar IS a Afghanistan Abou Sayed a wani sumame da ta kaddamar a Yuli a lardin kunar, watanni uku bayan mutuwar wanda ya gada a irin wannan yanayi.

https://p.dw.com/p/2gadE
Taliban Kämpfer
Hoto: Imago/Xinhua/Milad

Cikin wata sanarwa da kakakin ma'aikatar tsaron Amirka Dana White ta fitar, ta ce harin da sojojinta suka kai a ranar 11 ga watan Yuli ne ya yi sanadiyyar mutuwar Abou Sayed da wasu membobin kungiyar el-Khorasan. Ita dai kasar Amirka ta rubanya matakan yaki da masu kaifin kishin Islama a Afghanistan, saboda tsoron kada kasar ta zama sabon dandali na jihadi, kamar Iraki da Siriya.


Abu Sayed ya zama shugaban masu kaifin kishin Islama na uKu da sojojin Afghanistan da Amirka suka kashe  bayan Hafiz Sayed Khan a bara da kuma Abdul Hasib a watan Afrilun 2017. Dakarun Afghanistan da kuma na Amirka sun kaddamar da wani farmakin hadin gwiwa tun a watan Maris shekara ta 2017 da nufin ganain bayan mayakan sa kai a Afghanistan.