Annobar cutar shawara a kasar Angola

Annobar cutar Shawara ta yi sanadiyar rasuwar mutane akalla 51 daga cikin mutane 240 da suka kamu da cutar a kasar Angola tun daga ranar 30 ga watan Disamba da ya gabata kawo yanzu. Wannan annoba dai ta fi kamari ne a yankin karamar hukumar Viana da ke kauyen Luanda babban birnin kasar, inda nan kadai aka samu rasuwar mutane a kalla 29 daga cikin mutane 92 da suka kamu da cutar a cewar babban darectar kiwon lafiyar ta kasar Adelaide de Carvalho.

Tuni dai hukumomin kiwon lafiyar suka tsunduma cikin allurar rigakafin wannan cuta inda aka samu yi wa mutane akalla dubu 451 daga cikin mutane miliyan daya da dubu dari biyar da ake son yi wa annurar a wani mataki na takaita yaduwar cutar.