1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Argentina ta amince da dokar zubar da ciki

Abdullahi Tanko Bala
December 30, 2020

Majalisar dattijan Argentina ta amince da dokar da za ta bada damar zubar da ciki. Dokar wadda shugaban kasar Alberto Fernandez ya gabatar tuni ta sami amincewar da majalisar wakilai.

https://p.dw.com/p/3nNcn
Argentinien Buenos Aires | Abtreibungsdebatte | Pro Legalisierung
Hoto: Agustin Marcarian/REUTERS

'Yan majalisar dattawa 38 suka amince da dokar yayin da 29 suka kada kuri'ar rashin amincewa. Sabuwar dokar za ta bada damar zubar da cikin da ya kai mako 14.

Dubban jama'a sun yi dandazo a kofar majalisar dattijan da suka hada da masu adawa da kuma masu goyon bayan dokar. Fafaroma Francis wanda dan Argentina ne ya nuna rashin gamsuwa da dokar a wani sako da ya wallafa a shafin Twitter.

Kafin wannan lokaci dai ba a yarda a zubar da ciki ba a Argentina sai da dalili mai karfi kamar fyade ko kuma idan rayuwar uwar na cikin hadari.