Baje kolin litattafai na farko a Kenya

Bikin baje kolin da ya gudana a birnin Nairobi da ke kasar Kenya wanda kuma yazo a dai-dai lokacin da ake gunadar da makamancin irin taron a birnin Frankfurt da ke nan Jamus, ya sake tabo muhimmin batu na al'adar karatun litattafai ga 'yan Afirka, bincike dai ya gano cewar 'yan Afirka ba sa karatu sosai, wannan ne ma ya sa litattafai ke da tsada a nahiyar.

To amma yanzu sannu hankali lamarin ya sauya, inda ake samu kasashen Afirka da yawa mutane na matukar neman litattafan karatu. Daya daga cikin wadannan kasashen da ake daukin karatu ita ce Kenya, musamman a Nairobi babban birnin kasar inda cikin shekarun nan bukatar litattafan karatu ya yi matukar karuwa. Taron dai ya hada fitattun mawaka da marubuta a nahiyar ta Afirka kamar yadda za a iya saurara a sautin rahotonmu.