1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Bobi Wine dan adawa ya fice daga Yuganda

Yusuf Bala Nayaya MNA
September 1, 2018

Mawakin nan da ya rikide zuwa dan siyasa a Yuganda Robert Kyagulanyi ya fice daga kasar don zuwa duba lafiyarsa a Amirka bayan da ya zargi mahukunta a Yuganda da muzguna masa ta hannun jami'an tsaro.

https://p.dw.com/p/3494B
Uganda Kampala Oppositioneller Bobi Wine
Hoto: Getty Images/AFP

Lauyan mawakin ne ya bayyana haka ga kamfanin dillancin labaran Faransa na AFP a wannan Asabar. Mawakin na Reggae wanda aka fi sani da suna Bobi Wine ya bata lokaci a ranar Juma'a kafin barin asibitin gwamnati bayan da aka sake tsare shi a lokacin da yake kokarin barin asibiti.

Kyagulanyi ko Bobi Wine dai ya zama dan majalisa a shekarar 2017 inda ya rika jan hankalin matasa, abin da ke zama barazana ga Shugaba Yoweri Museveni. An dai kama shi ne a makon da ya gabata bisa zargin cin amanar kasa bayan da wasu gungun matasa suka jefi motar Shugaba Museveni na Yuganda.