1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Ci gaba da kwato iko daga kungiyar IS

Muntaqa Ahiwa
February 24, 2017

Sojojin Iraki na fatattakar mayakan IS a yankunan kasar da ke kusa da Syria.

https://p.dw.com/p/2YESn
Irak Kampf um West-Mossul
Hoto: Reuters/A. Al-Marjani

Dakarun kasar Iraki sun shiga wasu yankunan da ke yamma da birnin Mosul wani babban yanki da mayakan IS ke sheke ayarsu gabanin matsin lamba da suke fuskanta a halin yanzu. Bayanai sun ce an hango jiragen yakin kasar na lugudan wuta kan sansanonin mayakan IS a wani yanki na Syria, lamarin da wasu a Damascus suka kira hare-haren hadin guiwa ne tsakanin gwamnatocin kasashen biyu.

A wasu jerin hare-haren neman kwato birnin Mosul daga 'yan jihadin na IS, a karon farko an ga manyan jiragen yakin Irakin na ta dannawa ta gabar yammacin kogin Jordan. Bayan kwato babban filin tashi da saukar jiragen birnin na Mosul a ranar Alhamis, rahotanni sun ce ana can ana ci gaba da barin wuta musamman a wurare da ke makwabtaka da wajen da ake kira Jaw Sag.