1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Cinikin makamai tsakanin Isra'ila da Amirka

Fauziyya Dauda
December 31, 2021

Isra'ila ta ce ta cimma yarjejeniyar siyan kayayyakin yaki na kimanin dala biliyan uku da Amirka.

https://p.dw.com/p/451iU

Ma'aikatar tsaron Isra'ilar ta ce ta kulla wannan yarjejeniya domin siyan jirage masu saukar ungulu kirar CH-53K guda 12 da kuma  jiragen sama masu jigilar mai kirar Boeing KC-46 guda biyu. Ana sa ran a mika helikwaftocin ga Isra'ila nan da shekarar 2026, sai dai Amirka na duba yiwuwarkai jiragen Isra'ila a shekarar 2024.

Kulla yarjejeniyar na zuwa ne kwanaki kalilan bayan da wani rahoton cibiyar nazarin zaman lafiya ta duniya ya yi nuni da cewa masana'antar kera makamai ta duniya na bunkasa duk da nakasun da annobar coronata yi a fanoni dabam-dabam. Kafafon yada labaran Isra'ila dai na hasashen cewa jiragen na dakon mai, ka iya kasancewa kan gaba wajen kai farmaki a cibiyoyin nukiliyar Iran da aka dade ana yi.