1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Jirgin sojin Isra'ila ya yi hatsari a tekun Mediterranean

Zaharaddeen Umar
January 4, 2022

Sojojin sun ce jirgin da ya yi hatsarin na horaswa ne, kuma sun yi kokarin ceto rayukan wadanda ke cikinsa amma yunkurinsu ya yi nasarar ceto rayuwar mutum daya ne kadai.

https://p.dw.com/p/456in
Israel I Helicopter Unfall in Haifa
Hoto: JINI/ Xinhua/picture alliance

Wani jirgin sama mai saukar ungulu mallakin rundunar sojin Isra'ila ya yi hatsari a kusa da tekun Mediterranean a arewacin kasar. Sanarwar hukumomin sojin Isra'ila ta safiyar wannan Talata ta ce nan take matuka jirgin guda biyu sun rasa rayukansu a yayin da mutum na uku da ke cikin jirgin ya ji munanan raunuka. 

Kawo yanzu ba a san musabbabin hatsarin ba. Sai dai bayan da ya kaddamar da bincike kan lamarin, shugaban rundunar sojin Isra'ila Amikam Norkin ya umurci a dakatar da horar da sojojin.