Kasashen duniya sun soki lamirin Netanyahu

Stefan Dujarik Kakakin sakataren Majalisar Dinkin Duniya ne ya bayyana haka a yayin wata ganawa da manema labarai, inda ya yi kakkausar suka ga matakin da Firaministan Isra'ila Benjamin Netanyahu ke shirin dauka idan ya lashe zabe, na mamaye kwarin gabar kogin Jodan tare da mayar da shi mallakar Isra'ila.

Ita ma dai kasar Saudiyya ta bayyana matakin a matsayin wani mai hadari, tana mai fatali da kudrin tare da bayyana shi a matsayin wani yukuri da ya sabawa taswirar Majalisar Dinkin Duniya, tare da kira da a gudanar da taron gaggawa na kasashe manbobin kungiyar kasashen musulmai ta duniya OIC, a yayin da a ita kuwa Turkiya ta kira kalaman da cewa irin na wariyar jinsi ne.

A yayin kaddamar da yakin neman zabensa ne Firaministan na Isra'ila ya baiyana anniyar mamaye wani bangaren na Jodan tare da shigar da shi cikin Israila.