1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Kanada za ta shiga yakin da ake da 'yan IS

Ahmed SalisuOctober 3, 2014

Kanada ta ce ta na shirin shiga yakin da Amirka da wasu kasashen duniya yanzu haka ke yi da 'yan kungiyar nan ta IS da ke rajin kafa daular Musulunci a Iraki da Siriya.

https://p.dw.com/p/1DPbu
Kampfflugzeug vom Typ CF-18 Hornet der Kanadischen Luftwaffe
Hoto: picture-alliance/dpa

Firaministan Kanada Stephen Harper ne ya ambata hakan a wannan Juma'ar inda ya ke cewar sojinsu za su shiga a dama da su a yakin ne na tsawon watanni shidda kacal kuma za su kai farmaki ne kawai ta sama.

To sai dai kafin Kanadar ta shiga wannan yaki sai majalisar dokokin kasar ta bada izinin yin hakan, batun da masu aiko da rahotanni ke cewar da wuya a samu matsala kasancewar jam'iyyar firaministan kasar ta masu ra'ayin 'yan mazan jiya ce ke da rinjaye a zauren majalisar.

Idan har majalisar ta amince da wannan bukata ta firaministan, to Kanada za ta zama kasa ta baya-bayan nan da za ta shiga gammayar kasashen da ke rufawa Amirka baya wajen kawo karshe aiyyukan 'yan IS din.