1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaJamus

Madugun adawar Rasha zai koma gida

Muntaqa Ahiwa
January 13, 2021

Jagoran adawar Rasha, Alexei Navalny, wanda ya dora alhakin sanya masa guba a kan fadar Kremlin ta Rashar, na shirin komawa Mosko babban birnin kasar a ranar Lahadin da ke tafe.

https://p.dw.com/p/3nrpe
Alexej Nawalny
Hoto: YouTube - vDud/Reuters

Shi dai Mr. Alexei Navalny, wanda kwararrun likitocin Jamus suka tabbatar an sanya masa guba sanfurin Novichok, ya kansace a Jamus din ne tun cikin watan Agustan bara, inda ake yi masa magani.

A sakon da ya wallafa a shafinsa na Twitter, babban dan adawar ta Rasha, ya ce sam-sam bai taba tunanin zama a wajen kasar tasa bisa radin kansa ba.

Lamarin na Mr. Navalny ya sanya kungiyar Tarayyar Turai wato EU, kakaba wa kasar ta Rasha takunkumai.

Mutumin dai ya zargi hukumar leken asirin Rashar da sanya masa gubar.