1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaJamus

Majalisar Dinkin Duniya ta bukaci daukar mataki a Sudan

Binta Aliyu Zurmi
December 1, 2024

Shugaban hukumar da ke kula da ayyukan jinkai ta Majalisar Dinkin Duniya Tom Fletcher, ya bukaci a gaggauta daukar matakai kan rikicin kasar Sudan, ganin tsananin ukubar da miliyoyin 'yan kasar ke fama da ita.

https://p.dw.com/p/4ncrE
Chad, Adre | Flucht
Hoto: Sam Mednick/AP

Shugaban hukumar Mr. Tom Fletcher, wanda ya zanta da 'yan gudun hijira da suka rasa gidajensu, da ke ziyarar kwanaki uku a sansanonin a Sudan da ma kasar Chadi, ya yi alkawarin jawo hankalin duniya domin kawo musu agaji.

Yakin da Sudan ya fara cikin watan Afrilun bara, ya yi ajalin dubban rayukan fararen hula, wasu sama da miliyan 11 kuwa suka rasa muhalli.

Majalisar Dinkin Duniyar dai ta bayyana munin hali na jinkai da Sudan din ke ciki a matsayin mafi muni cikin  rikice-rikicen baya-bayan nan.

Karin Bayani: Sudan: Gwamnati na zargin kasashe makobta da agaza wa 'yan tawaye