1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaArewacin Amurka

Mutum bakwai sun halaka a hadarin jirgin sama a Mexico

Salihu Adamu Usman
December 23, 2024

Hukumomin Mexico sun fada cewa babu ko mutum daya da ya tsira da ransa daga hadarin da karamin jirgin ya yi.

https://p.dw.com/p/4oUdZ
Hoton wani jirgi da ya yi hadari a Argentina
Hoton wani jirgi da ya yi hadari a ArgentinaHoto: LA NACION/dpa/picture alliance

Rahotanni dake daga yankin Jalisco dake yammacin kasar Mexico sun bayyana cewa akalla mutum bakwai sun halaka bayan faduwar wani karamin jirgi a cikin duhun daji. Jirgin mai lamba 207 ya baro garin La Parota ne na jihar Michoacan makwabciyar garin na Jalisco.

Tsamin dangantaka tsakanin Mexico da Amurka

Hukumomin garin sun fada a shafukan sada zumunta cewa hadarin ya auku ne a wani wuri mai wahalar isa. Tun da farko hukumar kare fararen hula ta garin ta bayyana cewa an kirga gawarwaki bakwai amma ba a iya tantance ko su wanene ba.

Zaman makokin mutuwar Shugaba Ebrahim Raisi na Iran

Hukumomi sun kara da cewa  suna jiran zuwan masu binciken kwa-kwaf domin daukar gawarwakin kuma suka ce babu wani mutum da ya saura da ba a gani ba.