Rikicin Sudan ta Kudu ta ritsa da daruruwan rayuka

Majalisar Dinkin Duniya ta ce an hallaka daruruwan mutane cikin rikicin da yake ci gaba da ritsawa da kasar Sudan ta Kudu.

Rundinar dakarun kiyaye zaman lafiya na majalisar ta fitar da sanarwa wadda ke cewa an hallaka fiye da fararen hula 200, yayin da aka jikkata fiye da 400. Lamarin ya faru lokacin da 'yan tawaye masu dauke da makamai suka kame garin Bentiu a makon jiya, inda wani gidan rediyo ya bukaci mayaka su hallaka abokan gaba da suka fake a wuraren ibada.

Mawallafi: Suleiman Babayo
Edita: Umaru Aliyu