1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Saudiyya: Ba mu da hannu a harin 9/11

Abdul-raheem Hassan
September 8, 2021

Gwamnatin Saudiyya ta yi maraba da matakin Amirka, na kwarmata muhimman takardun sirri da aka kebe na bincike kan harin ta'addanci na 9 ga watan Satumban 2001 a cibiyar kasuwanci ta duniya.

https://p.dw.com/p/405hb
Saudi-Arabien | Kronprinz Mohammed bin Salman
Hoto: Xinhua/imago images

Sai dai wata sanarwa daga ofishin jakadancin Saudiyya da ke birnin Washington na cewa "Duk wani zargin da zai nuna hannun Saudiyya a hare -haren 11 ga Satumba, karya ne." a cewar sanarwar.

Wannan dai na zuwa ne bayan da Shugaba Joe Biden ya umarci a sake muhimman takardun sirrin da aka kebe kan harin nan da watanni shida, sakamakon matsin lamba da ya ke fuskanta daga iyalan mutane sama da 3,000 da harin ya kashe. A ranar Asabar 09/09/2021 ake cika shekaru 20 da kungiyar al-Qaida ta kai harin 9/11/2001, ranar da ke zuwa wata guda bayan janye sojojin Amirka a Afganistan tun bayan shigarsu daukar fansa kan Osama bin Laden a 2001.