Ramaphosa zai sake tsayawa takara a zaben 2024

Magoya bayan Shugaba Cyril Ramaphosa sun mamaye birnin Johannesburg don nuna farin-cikinsu kan nasarar da ya samu bayan da jam'iyyarsa ta ANC ta amince da shi a matsayin dan takararta a zaben da ya gudana a karshen makon da ya gabata. Ramaphosa ya yi nasarar doke babban abokin hamayyarsa Zweli Mkhize. 

A jawabinsa bayan wannan nasarar, ya ce, ba zai gaza ba, zai ci gaba da yakar cin hanci da rashawa da magance babbar matsalar karancin wutar lantarki da ta hana ruwa gudu. A makon da ya gabata, Ramaphosa ya tsallake rijiya da baya, bayan yunkurin tsige shi daga mukaminsa kan zargin cin hanci da kuma wasu makudden kudade da aka gano a gonarsa.