1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Omar al-Bashir na ziyara a Katar

Yusuf Bala Nayaya
January 22, 2019

Shugaban Sudan da ke fama da tarin kalubale a kasarsa na kai ziyara Katar a wannan Talata bayan da kasar mai arziki a yankin Gulf ta yi masa tayi na ba shi tallafi yayin da al'umma ke zanga-zangar tsadar rayuwa a Sudan.

https://p.dw.com/p/3BySs
Umar al-Baschir Präsident Sudan Besuch im Südsudan
Hoto: Reuters

Kamfanin dillancin labarai a kasar ta Katar ya bayyana cewa Shugaba Omar al-Bashir zai isa kasar ta Katar a ranar Talata kana ya gana da masaraucin da ke mulkin kasar Sheikh Tamim bin Hamad Al Thani a ranar Laraba.

A wata hira da shugabannin suka yi ta wayar tarho a ranar 22 ga watan Disamba, Sheikh Tamim bin Hamad Al Thani ya bayyana cewa kasarsa a shirye take ta tallafa wa Sudan saboda halin da ta fada don ta samu waraka kamar yadda kamfanin dillancin labaran Sudan ya ba da rahoto.Tun dai a 1989 da al-Bashir ya yi juyin mulki a Sudan ya ci gaba da mulki a kasar har kawo wannan lokaci.