1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Ana ci gaba da fafautukar samar da gwamnati

Ramatu Garba Baba
May 18, 2019

A gobe Lahadi bangarori masu jayayya da juna kan ragamar mulki suka amince su koma zaman tattaunawa da zummar cimma matsaya a yunkurin samar da gwamnati da ake fatan kowane bangare zai iya samun wakilici.

https://p.dw.com/p/3IiSW
Sudan Khartum Proteste gegen Militär-Regierung
Hoto: AFP/M. El-Shahed

Lamarin da ke zuwa bayan sanarwar dage zaman da aka yi a sanadiyar sabanin ra'ayi. A ranar Laraba da ta gabata, majalisar mulkin soja ta wucin gadi da wakilan masu zanga-zanga, sun amince da wata yarjejeniya da ke da nufin kafa gwamnatin riko ta tsawon shekaru uku, wadda za ta kai kasar ga tsarin mulkin dimukuradiyya.

A wannan Asabar ma, akwai dubban masu zanga-zanga a harabar hedkwatar soji da ke birnin Khartoum, da ke son ganin, lallai sai sojojin sun mika mulki hannun farar hula. Watanni biyar aka kwashe ana zanga-zangar adawa da mulkin al-Bashir, da ta kai ga samun asarar daruruwan rayukan, kafin a kai ga kifar da gwamnatinsa na fiye da shekaru talatin.