1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Tashin bama-bamai a Iraƙi

November 17, 2014

Wasu motoci biyu maƙare da bama-bamai sun tarwatse a Bagadaza babban birnin ƙasar Iraƙi tare da hallaka mutane 12 da kuma jikkata wasu 29.

https://p.dw.com/p/1DopB
Hoto: Reuters

Rahotanni sun bayyana cewar ɗaya daga cikin motocin ta tarwatse ne a wata hanye mai cike da hada-hadar kasuwanci da ke Mashtal a yankin gabashin Bagadaza, yayin da dayar kuma ta tarwatse a makamanciyar wannan hanya da ke garin Amriyah a yammacin Bagadazan. Kawo yanzu dai babu wata ƙungiya da ta ɗauki alhakin harin, sai dai dama a 'yan makwannin baya-bayan nan ƙungiyar 'yan ta'addan IS da ta addabi ƙasashen Irakin da Siriya ta dauki alhakin wasu jerin hare-hare da aka kai a Bagadazan.

Mawallafiya: Lateefa Mustapha Ja'afar
Edita: Usman Shehu Usman