1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaArewacin Amurka

Trump ya bukaci jinkirta haramcin amfani da TikTok

Musa Tijjani Ahmad
December 28, 2024

Shugaban Amurka mai jiran gado Donald Trump ya bukaci kotun kolin kasar da ta jinkirta yanke hukunci kan haramcin amfani da dandalin TikTok a fadin kasar.

https://p.dw.com/p/4odnd
Shugaban Amurka mai jiran gado Donald Trump
Shugaban Amurka mai jiran gado Donald Trump Hoto: Antonin Utz/Seth Wenig/AFP

Tun da fari dai hukumomin Amurka sun bukaci kamfanin na Tiktok mallakin kasar China da ya sayar da rukunin kamfanin ga 'yan kasuwan Amurka ko kuma ya fuskanci hukunci mai tsanani da ya hada da toshe kafofin sadarwar kamfanin.

Karin bayani: Trump zai dakatar da TikTok a Amirka

Gwamnatin Trump mai jiran gado ta bukaci sake yin nazari kan haramcin dokar wacce za ta fara aiki a hukumance a ranar 19 ga watan Janairu, kwana guda kafin rantsar da shugaba Donald Trump a ranar 20 ga watan Janairun 2025.

Karin bayani: Tiktok zai kalubalanci dokar shugaba Biden

Kotun kolin Amurka ta sanya ranar 10 ga watan Janairu a matsayin ranar da zata saurari karar da aka shigar gabanta na dakatar da haramcin amfani da TikTok a Amurka. Mutane sama da miliyan 170 ne ke amfani da TikTok a Amurka.