Trump ya sanya hannu akan tallafin corona

Kimanin dala biliyan 900 ne kudirin ya kunsa wanda da dama daga cikin 'yan majalisun suka amince da shi.

Za a yi amfani da wadannan kudadde ne wajen taimaka wa kamfanoni da masana'antu da kuma wadanda suka rasa aiyukansu.

Amirka ce dai a sahun gaba a cikin kasashen da aka sami asarar rayukan jama'a da dama a sanadiyar cutar corona, mutum sama da miliyan goma sha takwas cutar ta kama a kasar wasu fiye da dubu dari uku suka rasu.