1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Tsohon shugaban Kenya Arap Moi ya mutu

Mouhamadou Awal Balarabe
February 4, 2020

Daniel Arap Moi mai shekaru 95 wanda ya yi mulki Kenya tsakanin 1978-2002 ya rasu. Ya yi mulkin kama karya ta hanyar daura abokan hamayya da musgana wa jama'a.

https://p.dw.com/p/3XEWM
Kenia 1992 | Daniel Arap Moi, ehemaliger Präsident
Hoto: Getty Images/AFP/A. Joe

Tsohon shugaban kasar Kenya Daniel Arap Moi wanda ya yi mulkin na tsawon shekaru 24 ya mutu da safiyar wannan Talata (04.02.2020).  Shugaba mai ci a yanzu Uhuru Kenyatta ne ya yi wannan sanarwa, inda ya bayar da umarnin zaman makomi na kasa baki daya har sai an yi jana'izar tsohon shugaban ba tare da  tantance rana ba.

Daniel Arap Moi wanda malamin makaranta ne ya gaji wanda ya samar wa Kenya da ‘yancin kanta wato Jomo Kenyatta lokacin da ya mutu shekaru 42 da suka gabata. Sai dai ya gudanar da salon mulkin kama karya inda ya yi ta daure abokan hamayya  tare da azabtar da jama'a. Sannan kuma cin hanci ya zama ruwan dare a Kenya zamanin Arap moi yayin da rashin aikin yi ya yi katutu.