1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Tedros ya yi tazarce a shugabancin WHO

Lateefa Mustapha Ja'afar
May 25, 2022

An sake zabar shugaban Hukumar Lafiya ta Duniya WHO, Tedros Adhanom Ghebreyesus a matsayin shugaban hukumar a wa'adi na biyu.

https://p.dw.com/p/4BryX
Tedros Adhanom Ghebreyesus I Darakta janar na Hukumar Lafiya ta Duniya WHO
Darakta janar na Hukumar Lafiya ta Duniya WHO, Tedros Adhanom GhebreyesusHoto: Andreas Arnold/dpa/picture alliance

Mai shekaru 57 a duniya dan asalin kasar Habasha, ya yi tazarce a matsayin darakta janar na hukumar ta WHO din ne bayan da aka zabe shi da gagarumin rinjaye kasancewar ba shi da abokin hamayya. Tun dai a shekara ta 2017 ne, Tedros ya dare kan kujerara shugabancin hukumar ta WHO a matsayin dan asalin Afirka na farko da ya taba samun wannan mukami. A wancan lokaci ya yi alkawarin samar da harkokin kiwon lafiya cikin sauki ga kowa a baki dayan duniya, sai dai a shekara ta 2020 annobar corona ta sha kan al'amura baki daya. Tuni dai Tedros ya amince da sake zaben nasa da aka yi, cikin yanayi na zubar da hawaye.