1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Holocaust: Shekaru 75 da aikata kisan kiyashi

Ramatu Garba Baba
January 23, 2020

Shugabanin kasashen Rasha da Faransa da wakila na Britaniya da Amurka ne suka hallaci taron tunawa da Shekaru 75 bayan kawo karshen kisan kare dangin da aka yi wa Yahudawa da aka fi sani da Holocaust.

https://p.dw.com/p/3WjMd
Israel Jerusalem | 75. Jahrestag Befreiung von Auschwitz | World Holocaust Forum | Wladimir Putin, Präsident Russland
Hoto: Getty Images/AFP/R. Zvulun

Taron na wannan Alhamis ya gudana ne a cibiyar tunawa da ta'asar ta Yad Vashem da ke a Isra'ila, shugabanni da 'yan siyasa daga kasashe kimanin 40 ne suka tattauna matakan yaki da kyamar Yahudawa.

Yawan kai hare-haren kan Yahudawa dai ba bakon abu ba ne a kasashen da dama na duniya, ciki har da nan Jamus, ko a karshen shekarar da ta gabata a birnin Freiburg an kai hari kan wani matashi Bayahude dan shekara 19 da haihuwa guda ne a cikin dubban take-taken kyamar Yahudawa da ake samu a kowace shekara a Jamus.