1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

'Yan Taliban sun kai jerin hare hare a Afghanistan

April 15, 2012

Kungiyar Taliban ta jerin munanan hare hare a Kabul da wasu gundumomi musamman ofisoshin jakadanci na kasashen waje.

https://p.dw.com/p/14eIg
U.S. troops arrive at the scene after gunmen launched multiple attacks in Kabul April 15, 2012. Gunmen launched multiple attacks in the Afghan capital Kabul on Sunday, assaulting Western embassies in the heavily guarded, central diplomatic area and at the parliament in the west, witnesses and officials said. Taliban insurgents claimed responsibility for the assault, one of the boldest on the capital since U.S.-backed Afghan forces removed the group from power in 2001. REUTERS/Omar Sobhani (AFGHANISTAN - Tags: CIVIL UNREST POLITICS)
Hoto: Reuters

'Yan bindiga a Afghanistan sun kai jerin hare hare masu alaka da juna a Kabul babban birnin kasar. 'Yan bindigar sun kai hari akan gine-ginen gwamnati da ofisoshin jakadanci na kasashen yamma da kuma sansanonin sojin NATO. Wani mai magana da yawun kungiyar Taliban Zabiullah Mujahid yace sune suka kai harin. Yana mai cewa mutanensu 'yan kunar bakin wake suka kaddamar da farmakin akan sojin NATO da ginin majalisar dokoki da kuma gidajen ma'aikatan diplomasiyya. Wuraren da harin ya shafa a birnin Kabul sun hada da ofishin jakadancin Amirka dana Birtaniya da kuma na Jamus. A wajen Kabul kuma 'yan bindigar sun kai hari gundumar Logar da filin saukar jiragen sama na Jalalabad da kuma ofishin 'yan sanda a garin Gardez dake lardin Paktya.

Mawallafi: Abdullahi Tanko Bala
Edita: Usman Shehu Usman