Келн триумфира над невремето и над - Диселдорф!

Дури и кај најстраствените локал-патриотски настроени жители на Келн во последно време се јави двојба, но сепак, зрак надеж по темната новогодишна ноќ со сексуалните напади носеше помислата: наскоро доаѓа карневалот, а тој секогаш во Келн е извонреден. На денешниот Розенмонтаг, тоа се потврди. „Вива Колониа“ ечеше од илјадници грла, карневалистите танцуваа збиени еден до друг, се делеа бакнежи. Расположение на ниво, токму поради помислата дека можеби веќе е загубено. „Над Келн се смее сонцето, а на Диселдорф му се смее светот“, вака повторно Келњани му се потсмеваат на вечниот ривал Диселдорф, каде поради невремето кое се очекуваше, исто како и во Мајнц, беше откажана традиционалната карневалска поворка.