Мајка Тереза прогласена за светица

Папата Франциско претпладнево ја прогласи Мајка Тереза за светица, оддавајќи и почест на калуѓерката која се грижеше за болните и сиромашните во светот и израсна во симбол на Католичката црква.

Низ плоштадот Св. Петар во Рим се разнесе громогласен аплауз дури и пред Папата Франциско да ги каже последните зборови од канонизацијата на Мајка Тереза, наведувајќи ги чудата кои и се припишуваат на калуѓерката.
Канонизирајќи ја за време на јубилејната Година на милоста, Папата на некој начин ја направи икона на својот понтификат.

Околу 100 илјади верници и гости од целиот свет ја следеа мисата. Посетата не успеа да ја достигне бројноста од 2003 година, кога Мајка Тереза беше прогласена за блажена, најмногу поради засилените безбедносни мерки во Ватикан каде се стравуваше од терористички напади.