Хандке се откажа од наградата Хајне
9 јуни 2006
Австрискиот писател Петер Хандке се откажа од наградата „Хајнрих Хајне“ на градот Диселдорф. Тој не сакал неговата личност и дело да бидат изложени на простотилаците од партиските политичари, пишува Хандке во писмо до градоначалникот на Диселдорф. Писателот се најде на удар на критика поради тоа што се стави на страната на Србија во Балканските војни и искажа разбирање за поранешниот властодржец Слободан Милошевиќ. Од тие причини Советот на градот го стави под прашање решението на жирито за доделување на наградата. „Хајнеовата награда“, која носи и 50 илјади евра, е меѓу највисоко дотираните германски награди за литература, а се доделува на личности кои со своето дело поттикнуваат социјален и политички напредок и служат за разбирање меѓу народите.