1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Бериша: Обединување на Албанија со Косово само во ЕУ

17 декември 2011

Албанскиот премиер Сали Бериша изјави дека обединувањето на Албанија со Косово не е опција која се разгледува, а интеграцијата во Европската унија, без каква било промена на границите, е најдобриот интерес на двете земји

https://p.dw.com/p/13UhF
Сали Бериша е за европска интеграција на Албанија и КосовоФотографија: AP

„Проектот за обединување на Албанците е проект за интеграција во ЕУ и гарантирам дека кога Албанците во Албанија и на Косово ќе ги достигнат стандардите на членките на ЕУ, ќе им биде подобро од кога било во нивната историја. Тоа е проект и ние треба да ја гледаме својата иднина во ЕУ“, рече Бериша, одговарајќи синоќа на прашање на група студенти од Косово кои ја посетија Тирана.

Осврнувајќи се на ситуацијата на северот на Косово, во Митровица, Бериша рече дека „најдобар национален интерес на Албанците е зачувување на постоечките граници“.

Тој додаде дека Тирана внимателно го следи развојот на ситуацијата во албанската заедница во Прешево.

Автор: ЖА/ АТ /миа

Редактор: Александра Трајковска