Германско финале: Сонот е остварен!
За првпат во историјата на Лигата на Шампионите два германски тима ќе се сретнат во финалето. Мало потсетување на тоа како Бајерн Минхен и Борусија Дортмунд ги совладаа своите шпански противници Барселона и Реал Мадрид.
Ова е за вас!
Бајерн Минхен: новата фудбалска суперсила. Барселона немаше никаква шанса против „црвената фурија“ од Баварија. Кога Томас Милер ги постави конечните 3:0 во Барселона, тој запечати историски пораз за некогаш најдобриот тим во светот.
Барселона во улога на гледач
Уште еден извонреден настап: по прецизното додавање од Давид Алаба, Арјен Робен го погоди десниот афол, доведувајќи ги гостите во водство од 1:0. Играчите на Барселона изгледаа беспомошно, особено оние на клупата, од каде неподготвениот Лионел Меси мораше да го следи мечот.
Тежок меч во Мадрид
Играчите на Борусија Дортмунд заминаа полни со оптимизам на реваншот против Реал Мадрид, по победата од 4:1 на првиот меч. Долго време делуваше дека Борусија лесно ќе го обезбеди финалето, се додека...
Шок во последните минути
... На неполни пет минути пред крајот, Реал смени брзина: најпрво Бензема погоди, а потоа Рамос го шокираше Дортмунд со уште еден гол. Одеднаш на Реал му беше потребен само уште еден гол за пласман во финалето, а судијата великодушно им подари шест минути дополнително време.
Танц со баварскиот тореро
Марио Гомез, кој го загуби местото во првите 11 на Бајерн, доби шанса да се докаже во првиот меч од полуфиналето. Иако беше заменет успеа да постигне еден гол со кој беа поставени конечните 4:0.
Хенес има причина да слави
Клупскиот претседател на Бајерн, Ули Хенес кој се најде во центарот на скандал со прикривање данок, конечно имаше причина да слави. И клубот докажа дека не бил погоден од скандалот во кој е вмешан големиот шеф Хенес.
Нека бидат четири!
Фудбалот е тимска игра, но понекогаш еден играч може да направи голема разлика. Роберт Левандовски беше тој играч во првиот меч од полуфиналето. Ги постигна сите четири гола против Реал Мадрид. Но, следната сезона можно е да игра за Бајерн Минхен.
Роналдо успеа да се впише во листата на стрелци
Големата ѕвезда на Реал, Кристијано Роналдо успеа да го постигне единствениот гол на првиот меч во Дортмунд. Шпекулациите се’ се посилни дека и тој би можел да замине следната сезона. Следната станица: Париз?