Духот на карневалот во „Република“ Вевчани

Илјадници маски ќе продефилираат и годинава низ Вевчани. Спојот од пагански обичаи и актуелни општествени теми ќе бидат доживување и за бројните гости кои се очекуваат од земјата и од странство. Според официјалната страница на општината, постојат три традиционални маски: „зет и невеста“, „Глупи Август“ и музичари. Манифестацијата ќе трае два дена и освен карневалот, ќе има и повеќе концерти и неброени „мрсни“ шеги.