Политичари кои станале пријатели

Германскиот канцелар Хелмут Кол и американскиот претседател Бил Клинтон во 1998 година се шегуваат во американскиот претседателски авион Air Force One кој лета кон Франкфурт. Дали ќе имаше толкава срдечност доколку лево седеше актуелниот американски претседател Трамп, а десно актуелната германска канцеларка Меркел? Веројатно не. Хелмут Кол и Бил Клинтон важеа за вистински пријатели.

Вистинското пријателство често се препознава дури во клучни моменти. Дека Клинтон и Кол беа поврзани со вакви пријателство можеше да се види на комеморацијата по смртта на поранешниот германски канцелар, во 2017 година. Бил Клинтон не само што присуствуваше, туку изгледаше вистински трогнат - повеќе од актуелната канцеларка Меркел, која го теши.

Целата галерија би можела да се состои од фотографии на Кол и неговите пријатели, зашто поранешниот канцелар имаше близок однос со голем број светски државници. Делот за Кол го завршуваме со можеби најпознатата фотографија која сведочи за едно машко пријателство: Кол и францускиот претседател Франсоа Митеран во 1984. во Вердан фатени за рака им оддаваат почест на загинатите во двете светски војни.

И наследникот на Кол, Герхард Шредер, негуваше и негува пријателства со моќниците во светот. Но, Шредер повеќе тендира кон Исток. Него го врзува блиско пријателство со рускиот претседател Владимир Путин и до некаде сличен вкус за облекување. На фотографијата двајцата во 2014 година срдечно разговараат во летната резиденција на Путин на Црното Море.

На средбата се разговараше за европска политика, како приближувањето на Русија кон ЕУ. Она што го прикажува фотографијата е навистина близок однос на двајцата државници при прошетката крај брегот. Двајца луѓе, куче, плажа, залез на сонце - слики кои вообичаено се доказ за некој семеен одмор. Во 2004 година Шредер го нарече Путин „чист демократ“, за што е критикуван до денес.

Иако можеби изгледа како нешто повеќе, и во овој случај станува збор за пријателство. На одбележувањето на 30-годишнината од постоењето на ГДР, на 5 октомври 1979 година, првиот човек на ГДР и генерален секретар на Централниот комитет на СЕД, Ерих Хонекер и советскиот претседател и шеф на КПР, Леонид Брежњев, фотографите го забележаа т.н. братски бакнеж на двајцата државници.

Дваесет години претходно почна едно неочекувано пријателство. Првиот германски канцелар Конрад Аденауер (д.) и францускиот претседател Шарл де Гол првпат се сретнаа во 1958 година. Двајцата брзо изградија срдечно пријателство, што беше изненадување. На фотографијата двајцата државници се во Бон, во 1962 година, а во позадина се луѓе кои демонстрираат за обединета Европа.

Кого го има прегрнато во 2016 година тогашниот баварски премиер Хорст Зехофер? Тоа е унгарскиот премиер Виктор Орбан. Двајцата се толку цврсто прегрнати, што меѓу нив „не може да се стави ниту лист хартија“. Веројатно затоа Зехофер листовите ги држи в рака. Дистанцата кон Ангела Меркел е поголема - кај двајцата. Но, дали Зехофер и Орбан се вистински пријатели? Веројатно не.

Американскиот претседател Доналд Трамп и израелскиот премиер Бенјамин Нетанјаху се разбираат прилично добро. Придонес за тоа има Трамповиот зет Џеред Кушнер, врз кого Трамп радо се потпира кога станува збор за политиката на Блискиот Исток. Според Њујорк тајмс, таткото на Кушнер и Нетанјаху се пријатели. Кога Нетанјаху доаѓал во посета, спиел во собата на Кушнер, а тој морал да се сели во подрумот

„Малиот ракетен човек“ и „сенилниот со побелена коса“ наголемо се фалеа меѓусебно по средбата на 12 јуни годинава. Ким Јонг Ун и Доналд Трамп претходно беа во вербална војна, а по меѓусебната средба делуваа вчудовидувачки хармонично. Она што ги поврзува е - непредвидливоста. Оттука, некакво пдооцнежно пријателство меѓу двајцата не би требало барем да се смета за незамисливо.