ФИФА ќе ја исклучи Русија од сите натпреварувања
28 февруари 2022
Светската фудбалска организација (ФИФА) ја суспендираше Русија од сите натпреварувања поради агресијата врз Украина. Руската репрезентација нема да игра во плеј-оф натпреварите за пласман на СП во Катар.
Одлуката е донесена откако Меѓународниот олимписки комитет им препорача на сите спортски федерации да ги исклучат руските и белоруските спортисти од сите натпреварувања на меѓународно ниво поради руската инвазија врз Украина, и поддршката на Белорусија за истата.
ФИФА претходно предложи Русија да ги игра сите мечеви на неутрален терен, зад затворени врати и без националните симболи.
Таквиот предлог наиде на голем отпор и критики од бројни фудбалски федерации во Европа и светот. Русија требаше да игра против Полска на 24 март, а победникот требаше да го одлучи патникот во Катар со подобриот од дуелот меѓу Чешка и Шведска. Сите три репрезентации соопштија дека немаат намера да играат против Русија.
Вечерва се очекува и УЕФА да донесе одлука за суспензија на сите руски клубови од европските натпреварувања.