Вонредна состојба поради невидена суша во Италија

Целта на вонредната состојба е заобиколување на вообичаените административни процедури заради поедноставено преземање итни мерки, како рестрикции на водата. Во Италија со денови владеат исклучително високи температури, а во многу места со месеци нема заврнато дожд.

Посебно погодени се областите по течението на реката По, регион на кој инаку отпаѓа една третина од земјоделското производство во Италија. Таму владее најлошата суша во изминатите 70 години. На фотографијата - мост на реката По во регионот Емилиа Романа, водата е речиси целосно пресушена. 

Владата одобри 36,5 илиони евра итна помош за засегнатите подрачја. Италијанскиот премиер Марио Драги размислувал и за именување специјален комесар за борба против сушата.