Кучиња против Брегзит

„Мора да лаеме пред да биде предоцна“, гласеше последното предупредување на овие противници на Брегзит, кои  во неделата демонстрираа пред британскиот парламент спроти денешото клучно гласање. Пратениците треба да донесат историска одлука дали ќе го поддржат планот за Брегзит на премиерката Тереза Меј или ќе ризикуваат хаотично излегување на земјата од Европската унија за помалку од три недели. Поддржувачите на „Вуферендум“ со последната акција сакаа уште еднаш да упатат на негативните последици од Брегзит и да апелираат за нов референдум.