Опасностите од пиротехниката

Бројот на повредени, па дури и загинати поради новогодишната пиротехника секоја година се зголемува. Затоа спроти почетокот на сериозните подготовки за дочекот на 2019 година германските власти преземат превентивни активности.

Така деновиве на полигон во Франкфурт на Одра кутија полна со пиротехника од странство е разнесена во воздух со контролирана експлозија. На тој начин германската царинска управа се обиде да демонстрира колку е опасна конфискувана пиротехника која нелегално се внесува во земјата. Во последниве години, во пограничниот регион околу Франкфурт на Одра, зачестено биле приведувани лица кои пренеле пиротехнички средства од категоријата 3 и 4 во Германија, иако за тоа не ги поседувале потребните дозволи.