انځورونه: افغانان د کوچني اختر له پاره چمتووالی نیسي

افغانانو تر یوې میاشتې روژه او عبادت وروسته، دغه مبارکه میاشت پای ته ورسوله.

د افغانستان په هرې برخې کې په بازارنو نو کې د خلکو ګڼه ګوڼه ډیره ده.

په هر اختر کې د افغانانو په څیرو کې خوښي لیدل کیږي خو هغوی بیا هم د امنیتي وضعیت په اړه اندیښمن وي.

افغان امنیتي ځواکونو د اختر په شپو او ورځو کې ځانګړي امنیتي تدابیر نیولي دي.

په ښارونو او بازارونو کې د افغان امنیتي ځواکونو شمیر ډیر شوی دی ترڅو د یاغیانو له بریدونو څخه مخنیوي وکړي.

له دې کبله چې ډیر شمیر افغانان د اختر په شپو او ورځو کې بیلابیل توکي رانیسي نو په بازار کې د پیسو چرخش هم ډیریږي.

تر وړوکي اختر څو ورځې مخکې د وچې او تازه میوې بازار ډیر تود وي.

خیاطان خو بیا تر بل هر چا ډیر مصروفه وي. هغوی تر اختر یوه اوونۍ مخکې د ګڼډلو له پاره نوي کالي له خپلو مشتریانو نه اخلي.

د شیرني پخولو کارخاني د روژي له نیمایي څخه شپه او ورځ کار کوي چې په اختر کې د تقاضا لوړې کچې ته ځواب ووایي.

سلمانۍ هم یو له هغو ځایونو څخه وي چې په اختر کې په کې د خلکو ګنه ګوڼه ډیریږي.