د اوکراين د بيارغوني له پاره خصوصي پانگه اچوونکي؟

د روسيې تر تهاجمې جگړې يو کال وروسته، اوکراين ۴۱۱ ميلياردو امريکايي ډالرو ته اړتيا لري. دغه اټکل نړيوال جهاني بانک د اوکراين له حکومت، اروپايي کمېسيون او ملگرو ملتونو سره په گډه د ۲۰۲۳م کال په مارچ کي کړی دی.

افریقایې مشران له پوتین سره په لیدنه کې: دا جګړه باید پای ته ورسیږي

دغه لگښتونه به د دريو کلونو له پاره وغځول سي او بايد د خصوصي او عامه پانګه اچوونکو له خوا وپوښل سي. د آلمان خبري آژانس په حواله اوکراين په خپله بيا د دغو زيانونو د لگښت محاسبه حتي ۷۵۰ ميليارده ډالره کړې ده. د اروپايي ټولني کمېسيون بيا پر خپلي ويبپاڼي دې ته اشاره کړې ده، تر هغو پوري چي پر اوکراين باندي د روسيې تهاجمي بريد دوام ولري، د مجموعي لگښت اټکل نه سي کيدای.

زموږ د فيسبوک پاڼه هم درسره تعقيب کړئ

د نړيوال بانک په حواله يوازي په ۲۰۲۳م کال کي اوکراين د ودانيو او زيربنايي چارو د بيارغوني له پاره ۱۴ ميليارده امريکايي ډالر چي ۱۲ اشاريه ۸ ميليارده يورو کيږي، اړتيا لري. دا هغه رقم دی چي په روانه اونۍ کي به په لندن کي هم ورباندي بحث وسي.

د چهارشنبه او پنجشنبه په ورځ انگلستان له اوکراين سره په گډه د دغه جنگ ځپلي هيواد د بيارغوني په هکله يو نړيوال کنفرانس رابللی. دغه کنفرانس ته  د امريکا متحده ايالاتو د بهرنيو چارو د وزير بلينکن ترڅنگ د اروپايي ټولني د کمېسيون مشرې، اورزولا فون دير لاين او همدارنگه د جرمني د خارجه وزيرې انه لينا بيربوک او د پرمختيايي چارو وزيرې، سوينيا شولڅ ورغلی دي.

د شخصي سکتور له خوا هم بايد پيسې ورکول سي

د بريتانيا د لومړي وزير ريشي سوناک په حواله په دغه کنفرانس کي له ۶۱ هيوادو څخه په نړيواله سطحه د څه د پاسه ۱۰۰۰ تنو مخورو چارواکو، د غير دولتي سازمانونو استازو او د شرکتونو په سلو خاوندانو او عالي منيجران ورغلي دي. 

د سوناک په حواله د بريتانيا حکومت د يو شمير انعطاف پذيره او گړنديو وسايلو پر ځای پر ځاي کولو کار کوي، لکه ديجيتالي پلټ فورم چي اوکرايني شرکتونه يې کولای سي په راتلونکي کي د نړيوالو اِکټرانو سره د ښې شبکې د جوړولو له پاره وکاروي.

اوکراين بايد د پانګونې له پاره چاپيريال رامنځته کړي

د امريکا متحده ايالاتو د بهرنيو چارو وزير بلينکن د سه شنبه په ورځ په لندن کي د غونډي تر پرانيستلو مخکي خبرداري ورکړ چي، دا په اوکراين پوري اړه لري چي داسي ښه شرايط آماده کړي، تر څو دغه ډول پانگه وال وهڅول سي.

ناټو د روسيې خلاف نوې دفاعي طرحې په جوړولو کې توافق ته ونه رسېده

د اوکراييني کارپوه هيلرتل په نظر يوه بريالي بيارغونه او د امنيت گرانتي يوازي يو بل ته د لاس ورکولو له لاري رامنځته کيدای سي. همدارنگه په دغه هيواد کي فاسد هم د پخوا په شان يوه لويه ستونزه ده. هيرتل زياتوي: «د قانوني کنترول يوې بڼې ته اړتيا ده، په ځانگړي ډول د راتلونکو تادياتو په نظر کي نيولو سره.»

دا د مثال په توگه د اروپايي ټولني د الحاق د پروسې په پرانيستل کيدو سره عملي کيدای سي.

GP/NZ/DW.Online