طبيعت او چاپيريالترکیه
د ترکیې په زلزله کې د مړو شویو افغانانو شمېر ۲۰۰ ته لوړ شوی
۱۴۰۱ بهمن ۲۱, جمعه
اعلان
په انقره کې د افغانستان سفارت رسنیو ته منلې چې په ترکیه کې د زلزلې له امله د مړه شویو افغانانو شمېر ۲۰۰ ته رسېدلی دی.
دغه سفارت په خپله ټویټرپاڼه لیکلي چې، کام ایر خصوصي هوايي شرکت هېواد ته د قربانیانو د مړو لېږدولو ته چمتووالی هم ښودلی دی.
سفارت زیاته کړې: «د افغانستان سفارت له ټولو بنسټونو، خیریه شخصیتونو، ملي سوداګرو، په ترکیه او بهر کې له میشتو افغانانو غواړي چې د خیر په دغه کار کې د خپل توان مطابق برخه واخلي.»
دغه راز، سفارت پر خپله ټویټرپاڼه د مرستو او معلوماتو رسولو له پاره د غوره همغږۍ په موخه ځانګړې ټیلفون شمېرې هم اعلان کړي دي.
د رپوټونو له مخې د ترکیې او سوریې په زلزله کې د قربانیانو شمېر تر ۲۰ زرو اوښتی دی.