د داعش د پخواني مشر د کورنۍ څلور غړي په ترکیه کې نیول شوي
۱۳۹۸ آبان ۲۷, دوشنبه
د ترکيې د امنیتي ځواکونو له خوا په ترکیي او د سوریي په شمال کې د داعش یا «اسلامي دولت» ډلې د غړو د نیولو لړۍ دوام لري. د ترکیې لویې څارنوالۍ د دغو ۲۴ تنو د نیولو امر کړی وو.
په وروستیو عملیاتو کې چې په اردو، شانلی اورفا او سامسون ایالتونو کې ترسره شوي دي د داعش د نورو غړو ترڅنګ د ابوبکر البغدادي د کورنۍ څلور تنه هم نیول شوي دي.
په قیر شهر کې ۱۱، په سامسون کې ۵، په اردو کې۳ او په شانلي اروفا کې د داعش ډلې ۶ تنه غړي د پولیسو په ځانګړو عملیاتو کې نیول شوي دي.
په نیول شویو کې ۴ تنه چې البغدادي ته نږدې خلک دي په وسله وال ترهګریز سازمان کې په غړیتوب تورن دي او ۱۹ تنه نور یې په قیر او کارزين ایالت کې د غیر قانوني پناه غوښتونکو د بیرته ستنونې مرکز ته لیږل شوي دي.
اردوغان: د ابوبکر بغدادي میرمنه مو نیولې
د ترکیي ولسمشر رجب طیب اردوغان د چهارشنبې په ورځ(د نومبر میاشتې ۱۵نیټه) خبر ورکړ چې د داعش د پخواني مشر ابوبکر البغدادي میرمنه، خور او زوم یي نیولي دي.
د ترکیي ولسمشر دغه څرګندونې د انقرې د الهیاتو پوهنځې د ۷۰ کلیزې په مناسبت جوړو شویو مراسمو کې وکړې. نوموړي د ترکي ځواکونو له خوا د بغدادي د میرمنې او کورنۍ د نورو غړو د نیولو خبر، په نړیواله کچه د البغدادي د مرګ له خبر سره پرتله کړ: «مونږ هم د بغدادي میرمنه ونیوله، خو موږ په دې اړه هیڅ ډول غوغا نه راپورته کوو.»
ابوبکر البغدادي شاوخوا درې اونۍ مخکې د امریکا د نظامي ځواکونو د عملیاتو په جریان کې په یوه تونل کې ځانوژنه کړې وه. داعش د اکتوبر میاشتې په ۳۱ نیټه د یوه غږیز پيغام په ترڅ کې د خپل رهبر وژونه تائیده کړه او په عین وخت کې یي اعلان کړی وو چې له امریکا څخه به غچ واخلي.
دویچه ویله فارسي/ش.م/ب.ص