د هاروارد پوهنتون په څیړنو کې راغلي چې د انسانانو د عمر د زیاتیدو سره سم، د یوې ښې اړیکې اهمیت هم زیاتیږي.هغو کسانو چې په دې تحقیقاتو کې برخه اخیستې او عمرونه یی له ۳۰ کلونو کم دي وایي چې د هغوی له پاره د اړیکو او ارتباطاتو شمیر د هغوی د خوشحالۍ دلیل دی. خو د زیات عمر کسانو له پاره چې په دغو پلټنو کې یې برخه اخیستې وه، موضوع برعکس ده. د هغوی له پاره د اړیکو کیفیت مهم دی.
انځور: imago/Westend61
پایداره ګډ ژوند د انسانانو دخوشحالۍ او روغتیا سبب ګرځي
ښه او باثباته ګډ ژوند هم د خوشحالۍ مهم جُز بلل کیږي او همدرانګه زموږ د وجود او روان له پاره مهم نقش لوبوي. د هاروارد پوهنتون د پلټونکو له خوا اوږد مهاله تحقیقات ښيی: هر هغه څوک چې په خپل ګډ ژوند کې نیکمرغه وي، زیاتره د روغتیا احساس کوي او د بدن دفاعي سیستم یې د زړه د ناروغۍ په مقابل کې ډیر ښه عکس العمل ښيي.
انځور: picture-alliance/PhotoAlto/E. Audras
له نورو سره مرسته او سوغات ورکول سړي ته خوشحالي وربخښي
له نورو سره له وخت تیرولو، هغوی ته د تحفې یا سوغات ورکولو او په خپله خوښه له هغوی څخه ملاتړ کولو څخه ډډه مه کوئ. ځکه دا ډول کارونه ستاسي د خوشحالۍ او نیکمرغۍ سبب کیږي. پر دې خبرې، ټول پلټونکي او د نیکو کارو فعاله انسانان توافق لري.
انځور: imago/blickwinkel
مؤقتي او دایمي نیکمرغي
د نوو کالیو رانیول د خوشحالۍ د هورمونونو د ترشح سبب کیږي چې له امله یې سړی مؤقتي خوشحالي تر لاسه کوي. له همدې کبله د لنډ وخت له پاره د منفي افکارو څخه لیرې کیدل او سودا اخیستلو ته تلل یو مناسب کار بلل کیږي. خو دوامداره خوشبختي د ډیرو کالیو یا نورو شیانو په لرلو پورې اړه نه لري. بلکې د انساني اړیکو تود احساس، امنیت او ژوند ته په ژور نظر کتل د دایمي نیکمرغۍ اصلی عوامل بلل کیږي.
