د مسعود اوزیل د واده انځورونه

مسعود اوزیل د ترکیې د تلویزیوني سریالونو له ستورې امینه ګولشه سره د جمعې په ورځ واده وکړ. په دې مراسمو کې د ترکیې ولسمشر رجب طیب اردوغان هم حاضر وو.

امینه ګولشه په سویدن کې زیږدلې او ۲۶ کلنه ده. هغه په ۲۰۱۴ کال کې د ترکیې غوره نجلۍ شوه او بیا په یوه تلویزیوني سریال کې تر کار وروسته لا مشهوره شوه.

د اردوغان ښځې هم په دې مراسمو کې ګډون کړی وو. اردوغان په دې مراسمو کې یوازې میلمه نه وو، بلکه دې نکاح شاهد او شاه بالا هم وو.

د اوزیل د واده مراسم د استنبول په «څلور فصل» هوټل کې ترسره شول. ځینو ترکي رسنیو ویلي دي چې د ناوې کمیس ۸۰ زره یورو قیمت لره.

ترکي رسنیو ویلي دي چې اوزیل غواړي تر واده وروسته د زرو ماشومانو د جراحي لګښت پر غاړه واخلي.

اوزیل او ګولشه له ترکیې بهر ژوند کوي.

د دغو دواړو په واده کې د اردوغان ګډون د نړیوالو رسنیو په سرلیک بدل شو.

ویل شوي دي چې اردوغان د اوزیل تر واده مخکې مراسمو کې هم ګډون کړی وو.

تر واده مخکې اوزیل او ګولشه د اردوغان له خوا د روژه ماتې په جوړو شویو مراسمو کې هم ګډون کړی وو.

نه یوازې د اوزیل واده، بلکه د هغه مسلکي ژوند هم له ډیر وخت راهیسي له اردوغان سره د دې انځور د اخیستلو له کبله د سیاست تر اغیز لاندې راغلی دی.

اوزیل په ۲۰۱۸ کال کې د آلمان له ملي لوبډلې ووت او له ارسنال سره یې لوبه پیل کړه. هغه له تبعض څخه شکایت کړی وو او ویلي یې وو: «کله چې به لوبډلې لوبه ګټله نو زه به آلمانی وم، او کله چې به یې بایلوده نو زه به مهاجر شوم.»

اوزیل په ترکیه کې ډیر مینوال لري او آن د دورک ښار یو واټ یې د هغه په نوم، نوملی دی.