د کوم دين پېرويان څه شی پر سر کوي؟

د سر دسمال ته د حجاب یوه برخه هم ویل کیږي. په لویدیځو هیوادونو کې د حجاب اغوستلو پر موضوع ډير سخت بحثونه روان دي. د ترکیې او یو شمیر عربي هیوادونو اکثره ښځې خپل سر په سکارف یا د سر په دسمال او پړوني پټوي.

په منځني ختیځ کې ډیرې مسلمانې ښځې له ځان څخه حجاب ډوله څادر تاووي. له دې حجاب ډوله څادر سره ټول بدن پټیږي چې معمولاً تور رنګ لري.

اروپایې یهودانو په اوولسم او اتلمسه پیړۍ کې د دیني علامت یا نښې په توګه د کِپا (دا ډول کوچنۍ خولۍ چې په انځور کې لیدل کیږي)پر سرول پیل کړل. د یهودانو د مذهبي دود له مخې ټول سړي باید د عبادت او هديرې ته د تګ پرمهال کَپا په سر کړي.

د کاتولیک کلیسا کشیش د مذهبي مراسمو پر مهال یو تاج پر سروي. د دې تاج ډوله خولۍ شاته دوه فیتې لګول شوي دي چې د پخواني او نوي عصر د انجيل د نخصو نښه بلل کیږي.

د پنځلمسې پيړۍ په اوئلو کې د هند په شمال کې د سک مذهب رامنځته شو. د سکانو په مذهب کې کیري او لونګۍ ته ډیر ارزښت ورکول کیږي.

په ټوله نړۍ کې عیسوي راهیبانې یو ځانګړي ډول لباس اغوندي. د دې لباس اوږدوالې ټوپیر کوي او د هغې کلیسا پورې تعلق لري چې دغه راهیبانې ورته د عبادت له پاره ورځي.

د هاسیدک قوم پورې اړوند واده شوي یهودۍ ښځې (هغه چې ډیر مذهبي وي) خپل د سر ویښتان کلوي او یو ډول خوله په سروي. دې خولۍ ته شیتل ویل کیږي.

د روم کاتولیکانو پاپ یا کشيشانو له دیارلسمې پيړۍ څخه د بیرت په نامه خولۍ په سرول پيل کړل. په آلمان، هالنډ او فرانسه کې دا خولۍ ۴ کونجونه لري.

له کاټن یا پنبې څخه جوړ دغه دسمال یا څادر لږ تر لږه ۱۵ متره اوږدوالی لري. دا ډیري وختونه په لویدیځ افریقایې هیوادونو کې استعمالیږي. د طوارقو جنګیالیو به د خپل مخ او سر پټولو له پاره دا څادر په ډیره مینه په سروه.

واده کړي یهود نارينه دا ډول خولۍ چې له بخمل او د حیواناتو له وړیو څخه جوړ وي په رخصتیو او مذهبي مراسمو کې په سروي. تر ټولو دمخه په سویلي ختیځ اروپایې هیوادونو کې د هاسیک قوم یهوادانو له خوا د دې خولې پر سرول پيل شوي وو.

په شمالي امریکا کې آمش قوم د محافظه پاله عیسویانو څخه شمیرل کیږي. آمش په اتلسمه پیړۍ کې له اروپا څخه امریکا ته تللي ول او هلته میشت شول. د هغوي ښځي ډیر ساده خو سړي یې مختلف ډوهه هیټ یا خولۍ په سروي.