طالبان: د کابل په پرونۍ چاودنه کې دوه کسان ټپيان شوي دي

طالبان: د کابل په چاودنه کې دوه کسان ټپيان شوي ديد کابل د پولیسو ویاند، خالد ځدراڼ، وویل چې چاودنه د یوه مقناطيسي ماین وه چې پر یو شخصي موټر نښلول شوی وو.

چاودنه د شنبې په ماښام په ځايي وخت شاوخوا شپږ بجې د کابل ښار د پولیسو په دوهمه حوزه کې شوې ده. پولیس وايي چې د تحقیقاتو يو ټیم ېې د پېښې په اړه د پېښې په ځای کې څېړنه کړې ده.

د آلمان خبري آژانس لیکي چې په سملاسي توګه د دغې چاودنې مسئولیت چا په غاړه نه ده اخیستی. خو له شاوخوا یونیم کال راهيسې چې طالبان بیا واک ته رسيدلي داعش ډلې په افغانستان کې خپل بریدونه ډير کړي دي. دغې ډلې په خپلو بریدونو کې تر ډيره مذهبي لږکۍ، د طالبانو غړي او هغه سېمې چې بهرني ديپلوماتان پکې اوسېږي، په نخښه کړې دي.

داعش ډلې د روان میلادي کال د جنوري په میاشت کې د افغانستان د بهرنيو چارو وزارت مخې ته د ېوې چاودنې مسئولیت په غاړه واخیست چې پکې د دغه وزارت د کارمندانو په ګډون په لسونو کسان ووژل او ټپیان شول.

دا په داسې حال کې ده چې افغانستان د لويديځ له لورې د ښځو په هکله د طالبانو د سختو سیاستونو او بشري حقونو ته د لږې پاملرنې له کبله سخت منزوي شوی هم دی. د طالبانو حکومت تر اوسه هيڅ حکومت په رسميت نه دی پېژندلی.

   (dpa)/mks/akh