فيسبوک د پاکستان له پوځ سره تړلي ځيني اکونټونه بند کړي دي

فیسبوک شرکت د دوشنبې په ورځ ويلي دي چې هغه ۱۰۳ پاڼې، گروپونه او حسابونه یې تړلي دي چې د پاکستان د پوځ د عامه اړيکو له څانگي سره تړلي ول.

فيسبوک همدا راز په هند کې هم تر عمومي ټاکنو يوازې څو ورځې دمخه د اپوزيسيون د کانگرس گوند ۶۸۷ پاڼې او حسابونه تړلي دي.

د فيسبوک د سايبري امنيت د برخې مشر ناتانيل گرايشر وويل چې دغو حسابونو د فيسبوک له مقرراتو څخه سرغړونه کړې ده.

زياته شوې ده چې پاکستاني شبکو «سيمه ایز او سياسي خبرونه د مثال په توگه د هند د حکومت، سياسي مشرانو او پوځ» په اړه پوستونه کول.

(N.Z/S.R(dpa,