له مريخ څخه احوال لېږونکی «پرزېفرنس» روور وپېژنئ

پرزېفرنس د اتلس وي توغندي په مرسته د پنجشنبې په ورځ (د ۲۰۲۰ کال د جولای ۳۰مه نېټه) د کاليفورنيا په ځايي وخت سهار فضا ته وتوغول سو.

د ناسا دغه پنځم مريخ روور (پلټونکی ګاډی) به په مريخ کي د شته کيوريوسيټي روور سره د ماموريت په ترڅ کي مرسته وکړي. دغه نوی روور يو ټن او په دې توګه تر کيوريوسيټي زيات وزن لري او درې متره اوږد دی.

پرزېفرنس تر شلو زياتي کېمرې او يو روبوت لاس لري. د دې تر څنګ دغه روور يوه وړه څرخي الوتکه هم لري. د دې تر څنګ په دغه ګاډي کي ډير نور مېچ يا اندازه کوونکي آلات او سېنسرونه موجود دي چي په مرسته د مارس مواد معاينه کولای سي. د دغه ګاډي مهمترينه وظيفه دا ده چي معلومه کړي چي ايا د مارس له ډبرو اکسېجن ترلاسه کيدلای سي که نه.

د مريخ له پاره په دغه نوي ماموريت کي د لومړي ځل له پاره يوه څرخي الوتکه هم لېږل کيږي. په داسي حال کي چي د مريخ د کورې کشش د مځکي د کشش په پرتله يو پر دريمه او په دې توګه کم دی، نو د دغې څرخي الوتکي د پروازونو په مرسته به په اړونده ساحه کي نوي معاينات او څېړنې تر سره سي.

تر ټولو کوچنی روور سونجوفر و چي صرف لس اعشاريه شپږ کلوګرامه وزن يې درلود. اپورچونيټي ۱۸۵ کلوګرامه او کيوريوسيټي ۹۰۰ کلوګرامه وزن درلود. تر ټولو کوچني روور په يوه ثانيه کي يو سانتي متر سرأت درلود. د لوی روور سرأت په ثانيه کي د څلور او پنځو سانتي مترو تر منځ دی.

سپيريټ او اپورچيونيټي د مخکني سونجور روور څخه د زدکړو او ترلاسه سوې تجربې پر اساس په ۲۰۰۴م کال مريخ ته ولېږدول سول. سپيريټ د شپږو کالو فعاليت وروسته د مځکي سره نور تماس نه سوال نيولای او رابطه يې د ۲۰۱۹م کال د فبرورۍ پر ۱۳مه نېټه پرې سوه.

د مريخ د سطحي دغه انځور کيوريوسيټي روور اخيستی او مځکي ته رالېږلی ؤ. ياد روور لا تر اوسه فعال دی او ښايي د نورو پنځو يا حتی زياتو کالونو پوري فعال پاته سي. تر اوسه مريخ ته صرف روبوتونه رسېدلي، خو په راتلونکي کي ښايي يو وخت انسان هم پر دغه کوره پښه کښېږدي.