په اروپا کې مسلمانان ادغام شوي او که نه؟

په آلمان دوه پردریمه برخه زیږیدلي مسلمانان له آلماني ژبې سره ستریږي. د کډوالو په مینځ کې یواځي يو پر پنځمه برخه وايي چې آلماني د هغوی لومړۍ ژپه ده. د ژبې مهارت په ټوله اروپا کې د نویو نسلونو په مینځ کې د ښه کیدو په حال کی ده. په آلمان کې ۴۶ سلنه مسلمانان وايي چې د دوی ملي ژبه د دوی لومړی ژبه ده. په اتریش کې دغه فیصدي بیا ۳۷ سلنه او په سویزرلند کې ۳۴ سلنه ده.

په فرانسه کې ۹۶ سلنه مسلمانان له خپل هیواد سره ځانونه وصل ګڼي. دغه فیصدي په آلمان کې په همدې کچه لوړه ده خو په سویس کې بیا دغه څه ۹۸ سلنه ته لوړ شوي دي.

د مهاجرت د ریښې لرونکې کورنۍ مسلمانان تر ټولو ډیر مذهبي تعهد لري کوم چې بیا نورو نسلونو ته هم انتقالیږي. په بریتانیا کې ۶۴ سلنه مسلمانان وايي چې دوی ډیر مذهبي دي. په اتریش کې دغه کچه ۴۲ سلنه، په آلمان کې ۳۹، په فرانسه کې ۳۳ او په سویس کې ۲۶ سلنه ښوول شوي دي.

د معلوماتو له مخې، په آلمان کې د زیږیدلو مسلمانانو له ډلې څخه ۳۶ سلنه یې په ۱۷ کلنۍ کې خپلې زده کړې پای ته رسولي دي او لوړې زده کړې یې نه دي کړي. په اتریش کې هم دې ته ورته حال دی او ۳۹ مسلمانانو لوړې زده کړې نه دي کړي. بل لوري ته بیا په فرانسه کې د ښه تعلیمي سیستم د شتون له امله مسلمان زده کوونکي ځانونه په ښوونځیو کې ډير ثبتوي چې ښې پایلې هم لري له هرو یو یې ښوونځۍ له ۱۷ کلنۍ نه مخکې ترک کړی دی.

له ۲۰۱۰م کال مخکې آلمان ته د راغلو مهاجرینو له ډلې څخه نږدې ۶۰ سلنه یې اوس اته ساعتونه او ۲۰ سلنه یې نیمه وخت کارلري. دغه شمیر په دې هیواد کې نامسلمانانو له شمیرو سره نږدې دي. سربیره پر دې د اروپايي هیوادونو له ډلې څخه په آلمان کې زیات شمیر مسلمانان کارونه لري. په فرانسه کې د مسلمانانو د بې کارۍ کچه ۱۴ سلنه ده او د نامسلمانو کچه بیا یوازې ۸ سلنه ده.

په اتریش کې له هرو څلورو څخه یو نامسلمان نه غواړي چې مسلمان یې ګاونډی وي. دغه شمیر په بریتانیا کې بیا ډیر لوړ دی او ۲۱ سلنه دی. په آلمان کې ۱۹ سلنه، په سویس کې ۱۷ او فرانسه کې ۱۴ سلنه نا مسلمان نه غواړي چې مسلمانان یې ګاونډي وي. په ټوله کې مسلمانان په اروپا کې تر ټولو ډیر رد کیدونکې ډله گڼل کیږي.

په دې انځور کې معلومات د بیرتلزمن د بنسټ له لوري چمتو شوي چې عنوان یې هم «په اروپا کې مسلمانان ادغام شوي خو قبول شوي نه دي» ورکړی دی. د دې سروې پایلې په آلمان، اتریش، سویس، فرانسه او بریتانیا کې شاوخوا ۱۰ کسان سروې شوي دي. په دې سروې کې هغه مهاجرین نه دي شامل چې له ۲۰۱۰م کال وروسته دې هیوادونه ته راغلي دي.