د فرانسې، اسپانیا او ايټاليا په ځنګلونو کي اور لګېدنه
۱۴۰۰ مرداد ۴, دوشنبه
په فرانسه کي په اته کيلومتره مساحت کې اور لګيدلی او پراخ شوی چې په ځينو حالاتو کي بريښنا قطع شوي، له هغې جملي څخه لکه په ګاونډيو هيوادونو اسپانيا او پرتګال کې هم د بريښنا مزي پري شوي.
د فرانسې د داخله چارو وزير وايې د اور وژنې يا اطفايي څرخي الوتکو د دغه هېواد په سويل کي د پراخ لګيدلي اور په وژنو کي کار اخيستل شوی.
د بارسلونا په لويديځ کي لګيدلی اور له کنتروله ووت
د اسپانیا په شمال ختيځ کې د بارسلونا په کابو سل کيلومتره واټن کې د ځنګل سوزيدل له کنترول څخه وتلي.
د چارواکو په وینا اور لګيدنې ۱۱۰۰ هکټاره زراعتی ځمکه له منځه وړې. د دې خطر شته چې باد به د اور شدت زيات کړي.
د پوځ سرتيري د اور وژني ادارې او د ځنګلونو له سیمه ايز کارکوونکو سره يو لاس شوي، ترڅو د اور لمبې په کنترول کي کړي. د دغه سيمې کابو ۸۰ اوسیدونکي د خپلو کورونو او مېنو پريښودلو ته اړ شوي دي.
په ايټاليا کي د اور لمبې
اور د ايټاليا په لويديځ ټاپو کې ساردينيا ته پراخ شوی دي. د سيمه ايزو رسنيو د رپوټونو له مخې کابو ۴۰۰ کسانو خپل د اوسیدلو کورونه پرايښې دي.
د ايټاليا د بزګرانو اتحاديې دغه اور لګیدل د زراعت له پاره يو ناورين بللی او ویلي يې دي چې ډېري زراعتي ځمکې، ځنګلونه او حيوانات په اور لګيدلو کي له منځه تللي.
په تيرو څو ورځو کي په امريکا، کاناډا او روسيه کې هم سترې اور لګیدنې رامنځته شوي دي.